Ցիստիտը միզապարկի լորձաթաղանթի բորբոքումն է, որը հաճախ հանդիպում է կանանց մոտ, սակայն տղամարդկանց շրջանում այն ավելի հազվադեպ է հանդիպում, բայց ավելի լուրջ ընթացք կարող է ունենալ: Տղամարդկանց մոտ ցիստիտը հիմնականում կապված է այլ միզասեռական խնդիրների հետ և պահանջում է մանրակրկիտ ախտորոշում ու բուժում:
Պատճառները Տղամարդկանց մոտ ցիստիտի առաջացման հիմնական պատճառներն են՝
- Միզուղիների խցանում (պրոստատիտ, ադենոմայի կամ ուռուցքի հետևանքով),
- Միզուղիների ինֆեկցիաներ,
- Աուտոիմուն կամ ալերգիկ ռեակցիաներ,
- Սեռավարակներ (քլամիդիոզ, գոնորեա և այլն),
- Միզաքարային հիվանդություն,
Ախտանշանները Ցիստիտը տղամարդկանց մոտ կարող է արտահայտվել հետևյալ նշաններով՝
- Միզարձակության հաճախականության ավելացում,
- Այրոցի զգացում և ցավ միզարձակման ժամանակ,
- Պղտոր կամ արյունային մեզ,
- Որովայնի ստորին հատվածի ցավեր,
- Ընդհանուր թուլություն, ջերմություն:
Ախտորոշում Ցիստիտի ախտորոշումը ներառում է՝
- Մեզի ընդհանուր քննություն,
- Ուլտրաձայնային հետազոտություն (պրոստատաի, միզապարկի և երիկամների),
- Ցիստոսկոպիա (բարդ դեպքերում):
Բուժումը Ցիստիտի բուժումը տղամարդկանց մոտ կախված է պատճառից՝
- Հակաբակտերիալ թերապիա՝ եթե առկա է բակտերիալ վարակ,
- Հակաբորբոքային դեղամիջոցներ,
- Սպազմոլիտիկներ՝ ցավը մեղմելու համար,
- Խմելու ռեժիմի կարգավորում՝ օրգանիզմից վարակը դուրս բերելու համար,
- Հիմնական պատճառի բուժում, օրինակ՝ պրոստատիտի կամ միզաքարային հիվանդության դեպքում:
Կանխարգելում Ցիստիտի կանխարգելման համար տղամարդկանց անհրաժեշտ է՝
- Հետևել անձնական հիգիենային,
- Խուսափել գերտաքացումից,
- Պարբերաբար դատարկել միզապարկը,
- Առողջ կենսակերպ վարել՝ բարձրացնելով իմունիտետը:
