Ալոպեցիան կամ ճաղատությունը հիվանդություն է, որն առավել հաճախ հանդիպում է տղամարդկանց մոտ: Ցավոք, այս խնդրի դեպքում մարդիկ հազվադեպ են դիմում բժշկի՝ փորձելով ինքնուրույն բուժում գտնել: Բայց ապարդյուն, քանի որ ալոպեցիան բազմագործոն հիվանդություն է, որն ունի մի քանի պատճառ։
Ճաղատության հիմնական պատճառները
Ալոպեցիայի առաջացումը կարող է առաջանալ տարբեր պատճառներով. Որո՞նք են մազաթափության ամենատարածված գործոնները: Առաջին հերթին դա սթրես է: Եվ.
– օրգանիզմում երկարատև ինտոքսիկացիա,որոշ դեղերի երկարատև օգտագործումը
– գլխի ոչ պատշաճ խնամք
– մազերի ուժեղ ձգում (օրինակ, ամուր ,,գլխարկներ,, կրելուց)
Ճաղատության տեսակները
-
Անդրոգեն ալոպեցիա (Андрогенетическая алопеция)՝ աճող մազաթափություն, որն առաջանում է մազի ֆոլիկուլի վրա սեռական հորմոնների (անդրոգենների) ազդեցությամբ՝ ժառանգական նախատրամադրվածություն ունեցողների մոտ։ Այս հիվանդության ժամանակ գենետիկ մակարդակով ճակատ-քունքային գոտու ֆոլիկուլներին փոխանցվում է բարձր զգայունություն տեստոստերոնի նկատմամբ:Նման ալոպեցիայի առաջին ախտանիշը գլխամաշկի որոշակի հատվածում տեղային մազաթափությունն է: Ժամանակի ընթացքում ճաղատ հատվածը տարածքով մեծանում է՝ շրջանաձև կամ օվալաձև։ Մազերը, որոնք ավելի մոտ են հիվանդության կիզակետին, դառնում են ավելի բարակ և փխրուն: Եթե ժամանակին չդիմեք բժշկի, կարող եք նույնիսկ առանց հոնքերի ու թարթիչների մնալ։
-
Եթե ճաղատությունը չի սկսվում գլխի ճակատային մասից, ապա հիվանդության պատճառն առավել հաճախ էնդոկրին համակարգի խնդիրներն են (հիպոթիրեոզ կամ մակերիկամային անբավարարություն)։ Այս խնդիրը լուծելու համար անհրաժեշտ է դիմել էնդոկրինոլոգի կամ մաշկաբան-տրիխոլոգի:
-
Մազերի աճը կարող է դադարել նաև մաշկի սպիների տեղում, սա կոչվում է ցիկատրիկ(рубцовая) ալոպեցիա:Այն կարող է առաջանալ տարբեր բակտերիալ վարակների պատճառով, որոնք առաջացնում են բորբոքային ռեակցիաներ մազերի ֆոլիկուլների շուրջ, որտեղ ձևավորվում է մազարմատները միացնող հյուսվածք: Ամենատարածված վարակներն են սնկային ախտահարումներ և գլխամաշկի խորը թարախային վնասվածքները։ Այն կարող է առաջանալ նաև գլխի շրջանում վնասվածքի կամ այրվածքների հետևանքով:
-
Կա նաեւ բնածին ալոպեկիա։ Այս պաթոլոգիան չափազանց հազվադեպ է և, որպես կանոն, զուգորդվում է այնպիսի արատներով, ինչպիսիք են թույլ եղունգները կամ ատամների դիստրոֆիան։ Այս հիվանդության հիմքը մազի ֆոլիկուլների ամբողջական կամ մասնակի բացակայությունն է: Դա կարող է առաջանալ ամինաթթուների սինթեզի խախտմամբ։
Ճաղատության բուժման մեթոդներ
Ճաղատության բուժման մեթոդը կախված է նրանից, թե ինչպես ալոպեցիա է (ճաղատությունը), ինչպես նաև օրգանիզմի անհատական առանձնահատկություններից: Նախ կատարվում է տրիխոգրամա՝ մազերի հետազոտություն մանրադիտակի տակ։ Մասնագետները որոշում են մազերի քանակի և դրանց աճի փուլի հարաբերակցությունը։ Այնուհետև հիվանդին նշանակվում է մի շարք պրոցեդուրաներ, այդ թվում՝ հատուկ պատրաստուկների (դեղորայքի) օգնությամբ, որոնք կարող են դադարեցնել ճաղատությունը և կայունացնել մազերի աճը։
Օգտակար պրոցեդուրաներ.
-
գլխի բուժական մերսում;
-
մուլտիվիտամիններ ընդունում;
-
վիտամինային ներարկումներ;
-
մեզոթերապիա;
-
պլազմոթերապիա
-
մազերի աճի խթանող պրեպարատների ընդունում;
-
էլեկտրական խթանում.
Օգտակար խորհուրդներ
-
Նկատե՞լ եք, որ ձեր մազերը թափվում են։ Օգտագործեք սպիտակ լուպինի սպիտակուցով գլխամաշկի խնամքների միջոցներ: Նրանք արագացնում են մաշկի նյութափոխանակությունը 18%-ով։
-
Շամպուններ, սփրեյներ, բալասաններ, դիմակներ և մազերի այլ միջոցներ գնելիս ուշադրություն դարձրեք, որ դրանք բնական լինեն, չպարունակեն պարաբեններ, սիլիկոններ, պրոպիլեն գլիկոլ։
-
Ալոպեցիայի համար սնուցումը պետք է հավասարակշռված լինի: Մազերի աճի համար օգտագործեք ավելի շատ բանջարեղեն, մրգեր, մթերքներ, որոնք պարունակում են ժելատին (ժելատինը պարունակվում է ջլերում, հոդերի, կենդանիների, ձկների և թռչունների մաշկի և մսի մեջ) և յոդ (ծովային ջրիմուռներ, խավիար, ձողաձկան միս, գետնաձուկ և թունա, ծովախեցգետին, կաղամար, արմավ, սև հաղարջ): Իսկ քաղցրից, ալյուրից, ճարպից, ապխտած մթերքներից ավելի լավ է հրաժարվել։
